جيل بيحب قلة الأدب
عادةً أردد كلمة لا أعرف ولكنني لا أعرف ماذا أقول هذه المرة ==>> هذا هو عنوان بجريدة النهارده أجازة لطالما أردنا أن نتجه بنظرنا إلي دول أوروبا وأمريكا وإليكم التفاصيل :-
" وجدت دراسة إجريت مؤخراً أن المراهقين الأمريكين يستخدمون مفردات بذيئة ويلجأون إلي السباب والشتائم أكثر من أي وقت مضي.
ولا الباحث الإجتماعي والمتخصص في موضوع الإنحرافات السلوكية عند المراهقين فلان الفلاني أن الجيل الجديد يتستخدم السباب والشتائم أكثر من الجيل السابق وبشكل غير مسبوق ده المخلص ،،،،،،،
نتكلم في الجد حالياً لو أخذنا في الإعتبار أن جريدة الأخبار تنشر هذا الخبر من نقطتين :
- أولاً : من أجل (الشماته) عليهم بالذهاب إلي المدارس الحكومية في أي منطقه ما ولينظروا ماذا يقول أطفال لم تتعدي أعمارهم الخمس سنوات أو علي سبيل الحصر لا المثال (سواقين التوك توك الأطفال) .
- ثانياً : لو فرضنا إنها مجرد معلومة ساذجه (يبقي الأطفال اللي بتعشق الجريدة دي هاتشوف العنواين وبالتالي أي حاجه بتعملها أمريكا بتبقي مقدسه لازم تتعمل) ولا عزاء للقراء.
مش معني الكلام اللي أنا بقوله لازم كل الأطفال تعمله بس أنا مجرد بعبر عن رأيي فقط
هناك 7 تعليقات:
السلام عليكم
أخيرا عاودتي نشاطك في الكتابة مبروووووووووك يا أم الضفاير
بالنسبة بقى لموضوع البوست ده أحب أقولك ان الموضوع ما بقاش يخص الأطفال لكن كل الفئات مع الأسف، هادي أمثلة صغيرة
زمان لما كان الشباب بيحب يعاكس البنات كان بيقول كلمات مهذبة زي يا قمر.. يا جميل... وهكذا دلوقت مفيش أصلا كلام المعاكسة بقت بالتحرش عيني عينك كدة، ولو فيه كلام يبقى في منتهي البذاءة، وما اعتقدش فيه بنت ما تتعرضتش لمواقف سخيفة من النوع ده
لما تتفرجي على الأفلام والمسلسلات دلوقت تلاقي شتايم قبيحة وألفاظ خارجية وإيحاءات في منتهى السفالة ودي اتنقلت للشارع وللناس
شوفي علشان ما أطولش عليكي تقدري تقولي ان المجتمع المصري دلوقت ماشي بسرعة الصاروخ في طريق الانهيار الاخلاقي والسلوكي الا من رحم ربي
ربنا يرحمنا جميعا
مصري غلبان
وعليكم السلام ورحمة الله وبركاته
انا عارفه موضوع التلفزيون والكلام انت بس مختش بالك انا بتكلم عن التبعية
لا والله يا أم الضفاير انا أخدت بالي وعارف انتي بتتكلمي على ايه
بس انا حبيت اتكلم عن الموضوع بشكل عام مش بس التبعية هي السبب في قلة الأدب عندنا فيه حاجات نابعة من عندنا احنا كتير السبب
وبعدين أنا طلبت طلب وانتي طنشتي انا مش طلبت منكة تقولي ايه سر حالة الاحباط اللي انتي فيها
آه والله عندك حق
واد يبقى بتاع خامسة ابتدائي وسايقلي توك توك وعمال عاملي فيها مطلع رخصة ونفرض إنه حد عدى من أدامه تلاقيه عمال يشتم وفاكر نفسه على الطريق السريع
عاجباني روح البلوج أوي
تحياتي
الإستاذ شكراً علي مرورك أتمني يتكرر ومبدائياً ربنا يهديهم
السلام عليكم
شكرا لأم الضفائر اثارة المواضيع الاجتماعية الساخنه والسلوكية
مزيدا من هذه المواضيع يا... ام الضفائر
وعليكم السلام ورحمة الله وبركاته
العفو
متقلقش خد من المواضيع دي كتير جداً بس ياريت تشرفني علي طول بحضورك لمواضيعي البسيطه
أم الضفاير
إرسال تعليق