.......

رساله خاصة إلي مهنــد

2010-12-10T23:12:00.001+02:00

2010-09-10T10:19:00.002+03:00

كل سنة وانتوا كلكم طيبين ويكتر أفراحكم وينسيكم أحزانكم وعيد سعيد علينا وعليكم،،،

وأخيرا فاضل تكه بسيطه وخلاص

2010-07-29T22:44:00.007+03:00

أنا نجـحـــــــــــــــــــــــت ياااااااااااااااااااااااااااااااااه بجد طعم النجاح حلو جدا جدا جدا لأ وكمان جايبة درجات حلوة جدا جدا الترم ده كان نفسي أفرحك يا أحلي أم في الدنيا يا أمي كان نفسي بجد أقف جنبك وانتي تعبانه والحمد لله نجحت وشوفت فرحة النديا في عيونك وحستها لما حضنتيني كان أحلي إحساس في الدنيا عارفه إنك كنت ناقصني بس حسيته كان نفسي تبقي موجود إنت كمان بس الحمد لله إني قدرت أفرحكوا كلكوا ويارب أخيرا داخله علي البكالوريوس ومبروك علي نجاحي ويارب عقبال السنة الجاية وأفرح ماما وأفرحك كمان وكمان.

تقريباً كده حسيت نفس الإحساس بتاع السنة اللي فاتت بس كان أكتر بجد كانت أصعب فترة بتاعة الإمتحانات دي لما يا ماما كنتي تعبانه وكنتي بتدعيلي علي طول بالنجاح مش قادرة أوصف إحساسي إزاي دلوقتي أحلي إحساس في الدنيا وإنتي جنبي ومبسوطة وكلكوا فرحانين وخلاص فاضل أخر درجة في السلمة اللي تعبت بجد أوي عشان أوصلها الحمد لله إنه وقف جنبي وانت كمان وقفت جنبي بس بقي أروح أكمل فرحي،،

واعتذار

للمرة الأخيرة هغير أسم المدونة لأني مبقتش الفتاة الميتة ولا إني تايهة في حياتي أنا بقي الطموح ماليني وهفكر في الأسم علي طول وبعدها هيبقي جاري التغيير وللمرة الأخيرة إلي أن يتغير للأفضل إن شاء الله

2010-07-18T15:22:00.001+03:00

صدق المثل اللي قال من خرج من داره اتقل مقدراه

يارب أنجح

2010-07-08T00:14:00.002+03:00

يارب نجحني يارب يارب عشان خاطر ماما مش عشاني وعشان كمان تقوملنا بالسلامه عشان احنا ملناش غيرك يا أمي

ربنا يشفيكي ويتمم شفاكي علي خير يا كل الدنيا والحنان والامان وكل حاجه في حياتي يارب يخيلكي لينا ويسعدلك أيامك وينجحنا أنا وأخواتي عشان تعبك معانا

يارب نجحني عشان تقوملنا بالسلامه يارب وفقني في حياتي عشان خاطرها ياكل حاجه حلوة في حياتي

انا جيت

2010-06-26T00:25:00.004+03:00

طبعاً مش قادره أقولكم قد إيه وحشتوني أووووووووووووووووووووووووووي وبشكر كــــــــل الناس اللي بعتت رسايل في غيابي ووحشتيني يا كيكي ومبروك يا محمود المدونة ومش عاوزة أنسي حد بس بإذن الله هرجع وراجعه قوية أوي كمان ولسه عمر الشقي بقي

------------------------

2009-10-07T23:27:00.006+02:00

أولا :وحشتوني كلكم كلكم بابا فشكول وماما أمولة ودكتور بودي وهبهوب وكيكي والشارد و Vagueوكل الناس اللي مقولتش اساميهم بس انا عرفاهم اعذروني جدا بس وقتي ضيق خالص ومش بعرف ادون عشان الشغل وانتوا عارفين من ساعة ما خلصت الامتحانات اللي فاتت

ثانياً : بفكر أمتنع عن التدوين لأن المدونة ملهاش لزمه خالص انا هسيبها مفتوحة بس يبقي الحال كما هو عليه ،،،،،،،،،،،،،،،،

مع إني كان نفسي أتكلم في موضوع الدراسة بس مش مشكلة وكان عندي مواضيع كتير كتبتها بس بجد مش لاقيه الوقت المناسب وحسه إني بقيت "فاشلة" في عالم التدوين اللي كنت بعتبره أحسن حاجه بالنسبة ليا

خيرها في غيرها بقي

تحياتي للجميع،،،

2009-08-22T00:26:00.001+02:00

كل سنة وانتوا بالصحة والسلامه

تحديث لبوست ==>> طعم النجاح+تعديلات+ شكر خاص لماما أمولة وهبهوبة

2009-07-10T21:20:00.002+03:00

إحساس جديد حسيته وطعمه حلو جداً جداً كنت هموت وأحسه اللي حصل إني زي ما إنتوا عارفين مستنية النتيجة علي نار من أول الشهر وكنت خلاص علي أخري من الموضوع ده وكمان كانت حالتي النفسية زي الزفت المهم هما كانوا بينزلوا النتيجة الساعه 3:00م علي الموقع إنها تنزل علي حظي الإسود بقي غير المرة اللي فاتت إن السيرفر بتاع الجامعة وقع لمدة يومين والنتايج طلعت وليلة بقي ودخلت الموقع لقيت تم إعلان نتيجة الفرقة التانية أدخل الاقيها نتيجة الترم الأول يووووووووووه وبعدين عياط بقي كمان شوية قالوا بعد قليل وبعدين بعدها بساعة تم إعلان النتيجة وبعيد عنكوا أنا من مرضي الضغط الواطي معرفش إزاي علي وقاعده بقي هموت وكل خمس دقايق أدخل أشوفها ظهرت ولا لأ المهم ،،، الخبر العاجل ====>> إنه في تمام الساعه الـ 4:00م وال ايه النتيجة ظهرت قلبي وقف ومقدرتش أبص علي الأرقام (وده طبعاً في أقل من الثانية) شُفتها وكلاكيت تاني مرة اتصلت بماما من الشغل وصريخ بقي يا مااااااااااااااااااااااااااااااامااااااااااااااااااااااااااااااا أنا نجحت وربنا مع الجميع الست دي أمي قالتلي نفسي تيجي عشان أحضنك وكانت هتموت من الخضه حبيت بقي أفرحكم معايا لأنكم كمان من الناس اللي بحبهم جدا بس عاوزة أقولك إني مش قادره أكتب ،،،،، دي بقي باقة ورد لصحابي اللي نجحوا وأنا كمان ولكل المدونين وسمعوني أغنية الناجح يرفع إيده بقي

عايزة أقول إني الأسبوع بتاع النتيجة تعبت أعصاب كل الناس إللي معايا في الشغل جداً وماما كمان أعصابها باظت جداً ومكنتش بنام ولا شئ من هذا القبيل بس الحمد لله 10000000000000000 مرة طبعاً

*******

بشكر ماما أمولة علي دعائها الجميل وبشرى إبنها الأجمل اللي كان وشها حلو جداً عليا وهبهوبة أختي الكبيرة ربنا يخلينا لبعض ومش يفرقنا عن بعض أبداً.

2009-07-08T09:55:00.000+03:00

إدعولي النتيجة بتاعتي بكره

No Comment

2009-06-19T13:40:00.006+03:00

ببالغ أسفي الشديد أردت إعلامكم إني سوف أنقطع عن عالمي الجميل (عالم التدوين) لعدة أسباب :

أولهـــا : إنفجار (وبمعناها) إما البروسيسور أو المازربورد لا أعرف أيهما وقد يأخذ مني فترة كي أقوم بصيانته

ثانيهما : ظروف العمل

أعلم إنني قد وعدت بعض المدونين بإنشاء مدونتين أخرتين الأولي لهوايتي المفضلة بعد القراءة وهي الطبخ والثانية مدونة عامة ولكن هذه ظروف خراجه عن إرادتي

سوف أفتقدكم جميعاً

من قلب سيظل ينطق بإسمك "مقتبس من مدونة صديقتي الصدوقة همس الأرواح"

2009-06-18T02:22:00.004+03:00

لقد نســــيت مـــعك الآمـــى وجروحـــــى

وصالــحــت نـــفســى بـعد خصام طويــــل

أحسســـت بــقلــبـى بـعد ان ماتت دقاتـــه

نفسى تشتاق لكلماتك وتحسها من بـــعيد

أراك قــمــرى فـــى ليــــالــــى مـــظـلـمه

وأحســـك تـــضمــنـــــــى بــــزراعــيــــك

أشعــــر بــــدفء احســــاسـك وانفاســك

لقد أصبحت الدواء لجروحــــى ونفــــسى

وتـــلـــونـــت الـــدنــــيـــــا بـــــعيـــنــى

تـــــفـــتحـــــت الأزهــــار فى خـــاطــرى

وأصبح القلب لا يـــــنـــادى إلا بإسمــــك

إسمك أنت يــــــــا==>> حـــبـــيـــبـــى

A sense of unease

2009-06-14T00:18:00.006+03:00

When your life is that in the hands of another person will think of many things the first suicide to get rid of this person, this is now felt toward my father is the one who decides everything, and what to do, but not all parents, such as a sense of fear, but to do so a sense of ownership, this increase the sense of me day after day, I do not want to write details of it remains etched in my heart bathymetric not be forgotten that the reason I do not know what to do with him when I am alone is to speak my heart is not with me despite everything I do, however, tired of my life with him

Why does not feel us, and why my mother that bore bad for us, why not stand against what I felt in spite of all my success and my happiness with anyone else I feel it is not with him. , Sometimes I feel I must speak with him but for me to see a man does not understand anything do not know anything

Tired Tired Tired Tired Tired Tired

أرجوا أن لا يعلق أحد علي هذا البوست فأنا لا أنتظر من أي أحد أياً كان أن يشفق علي

توابع الامتحانات

2009-06-11T22:25:00.012+03:00

قعدت أقول إمتي هخلص زفت الطين الهباب وأخرج وأروح السينما ومسكت بابا زعقتله قولتله اسمع بقي أنا كبرت ولازم أخرج بعد الامتحانات مع صحابي شوفوا بقي دي بداية اليوم الجامد بتاع أخر يوم في الامتحانات طبعاً منمتش وبابا يقولي إرجعي 5 وانا اقول 6 وهو 5 وانا 6 من الاخر انتوا عارفين كلام مين مشي (بلا فخر انا طبعاً بس بمبررات إنه الفيلم بيخلص 5) ونزلت من البيت الساعه 6:55ص وأقول لماما تعالي وصليني عشان خاطر الكلاب اللي في الشارع وهيا تقولي مفيش كلاب ياماما اسمعي الكلام ماعلينا نزلت وحدي وانا مرعوبة حكم أي حد عاوز يرعبني يجبلي كلب هدية ،،،،،،،،،،،،

وبعدين بقي متفهموش الكلاب شمت الخبر ولقيت بتاع 10 كلاب بيتخانقوا مع بعض ماهو بقي حبك لما انا نزلت وقامت الانسه العظيمه المبجلة برفع الجيبة وهاتك يافكيك وهما يجروا وانا اجري لحد ما لقيت توك توك قمت نطه فيه الراجل يقولي ياست اهدي قعدت اقوله ست في عينك خرجني من المنطقة دي وبعدين اتكلم براحتك (اتكلم من القلب) روحت بقي الجامعه ومرعوبة دي محاسبة يا جماعه يعني اكتر حاجه بكرهها في الدنيا وقعدت مع صديقاتي المرعوبات هن الاخريات وبعدين استعنا علي الشقي بالله تخيلوا الصدمه الكبري دخلت الإمتحان ملقتش الموازنة العامة اه والله زي ما بتكلم ملقتش الموازنة الدكتور جايب اسئلة اختيارات يعني (حادي بادي كرنب زبادي...) الحمد لله حلتهم وخلصتهم وبعدين دخلت علي الدكتور التاني جاب قايمة الدخل ولا اعرف شكلها من اللي كنت مذاكراها خالص قوم ايه رصتها زي ما انا حفظاها وحليت النظري وخلصت المهم كله خرج بدري بقي مفيش موازنة وانا لزقت لحد اخر الوقت يلا ممكن اجيب درجه ولا اتنين خلصت وكان عندي مشوار لوسط البلد (معرفش فيها حاجه مش عايشه في مصر) خلصت ورجعت علي الجامعه تاني ياجماعه لقيت صحابي ولا كأنهم ضاربين بعض يلا نخرج مخرجناش روحنا بقي قعدنا في هارديز وخلصنا والمجانين رجعوا تاني علي الجامعه مش فاهمه ازاي قولت لأ اروح انا بقي مبدهاش روح ودي كانت اخر تابع ،،،،،،،،،،،

روحت مقتولة لقيت ماما بتقولي هنروح لجدو تيجي معانا عاوزة اصرخ واقول محدش حاسس بيا ولا ايه ( انا خلصت امتحانات يا ناس يعني نوم لمده 10000000 ساعات تانين )فنمت صحيت بقي لقيت صدمه قبل ما انام حطيت الخط بتاع موبينيل وشلت اتصالات في العدة ولما صحيت ملقتش الخط وقلبت عليه الدنيا وانا حطاه في العدة وفي الاخر لم اتوصل لحل جديده وضاع الخط يا ولدي واتصلت بماما البيت فيه عفريت ضيع الخط واستعوضت ربنا ،،،،،،،،

ودي كانت أخر توابع للإمتحانات اللي عملتلهم في البيت قلق وهرج ومرج وقلة نوم وعملتلي انا شخصيا حاله نفسية ما يعلم بيها إلا ربنا وبقيت مجنونة،،،،،،،،،،،،،،،،،،،،،،،،،،،،،،،،،،،،،،،،،،

معلش طولت بقي بس دي حاجه مش هتتنسي خالص

نسيت أقول إني هغير إسم المدونة لمريوم تاني لحسن الإسم ده جابلي إكتئاب بس الموقع زي ما هو ممكن يكون عندي إنفصام بس مش مشكلة سبحان مغير الأحوال

???????????????

2009-06-10T00:12:00.002+03:00

إن شاء الله باقي من الزمن يومان وتبدأ مرحلة جديدة تماما تماماً وبس خلاص

إمتحانات والرعب للركب

2009-05-22T14:35:00.002+03:00

خلاص إمتحاني يوم الاحد ومرعوووووووووووبة جدا جدا اللي بيحصلي بقي في وقت الامتحانات بتجيلي حالة هلع من قبلها مثلا بيوم وانسي كل حاجه تماماً وأول ما ادخل باب الجامعه بطني توجعني أه ومش باكل من قبلها بيوم خالص ولو الامتحان طلع كويس بخرج أكل ولو طلع وحش برضه بخرج أكل هههههههههه هاعمل ايه يعني المهم ربنا ينجحنا كلنا يارب ومتنسوش تدعولي

مش عارفه أقول إيه

2009-03-30T13:34:00.002+02:00

فرحانه النهارده جداً جداً جداً رغم إني خلاص هثبت إسم المدونة بتاعتي علي كده مبقاش ينفع أرجعها للحياة لنا مش عشان خاطر إني كنت مدمرة نفسياً ولا عشان خاطر أي حاجه خالص عشان خاطر إستاذي المبجل والفضيل بووووودي خدها وده شرف كبير ليا هو زعل طبعاً لما لقاني غيرت اسمها فنزل بوست عنده في المدونة ومضمونه كالتالي :-

شكر واجب

يبدو أن مريووم تخلت عن اسم مدونتها، ولكي تبقى المدونة مستمرة بالاسم فقط وليس بالمضمون أستأذن مريووم بجعل اسم مدونتها السابقة عنوانا لمدونتي بـ الحياة بعد أن تخليت عنه ، لأن الحياة لا تتوقف عند حالة معينه ، بل هي متدفقة كالنهر والشلال ، وفي كل يوم تنبت عشبة أو نبتة أو وردة جديده أو تولد حياة في جسد جاء للحياةالحياة مادتها نحن ... نحن كلنالك تحياتي مريووم

طبعاً أنا اللي بشكرك علي إن حضرتك خلتها تستمر أكيد بعنوانها والمضمون واثقه إنه هيعجبكم أكتر من مدونتي

لا تعليق

2009-03-28T19:08:00.004+02:00

البعض منكم ممكن يستصغر بإحساسي بس بجد حصلت حاجه غريبة جدا جدا السحلفة بتاعتي ماتت بس محدش حاسس بيا بس أنا عارفه إنه قضاء ربنا وقدره ومكتوب من ساعة ما جبتها إنها هتموت بس المشكلة إني كنت حسه إنها هتموت مش عشان خاطر كانت عيانه بس كان جايلي إحساس غريب كده من يومين وأنا كأني مستنياها تموت بس النهارده بالفعل زي لما بيقولوا الواحد لما بيضحك كتير يبقي اللهم ما إجعله خير النهارده وأنا في السكشن بتاع المحاسبة أول مرة في حياتي أَضحك كده بس كنت متأكده إنه في حاجه غلط ورجعت لقيت ماما بتقولي السحلفة من الصبح متحركتش دخلت عادي زي لما برخم عليها ساعات وأفضل اخبط عليها بس هيا كانت مطلعة رجلها وايديها بره بلمس ايديها لقيتها زي الخشب سبحان الله زي لما احنا بنموت بتخشب ساعتها بقي جاتلي هيستريا عياط بجد عارفه إن البوست ممكن تقولوا عليه تافه بس عافه برضه إنه إحساسي اللي جالي كان مش طبيعي ،،،،،،،،،،،

رحلة إسكندراني يعني إسكندرية يا محلاها ؟؟

2009-03-08T23:46:00.011+02:00

بمناسبة النجاح السعيد بابا وافق إن أنا وأختي نطلع رحلة للإسكندرية مدتها يوم وطبعاً عشان أنا بحبكم وعشان طبعاً هوايتي الأولي التصوير جبتلكم أحلي صور صورتها النهارده وعلي فكرة أنا مقدرتش أنام غير لما تشاركوني أجازتي الممتعة يلا بقي نشوفها وتقولوا رأيكم بصراحه بعرف أصور ولا لأ طبعاً أنا حاولت أرتبهم بس مش قدرت

بس أنا بقي هخليكم تسموهم علي مزاجكم وأنا الاسم اللي هايعجبني هاحطه عليها بجد كان يوم حلو وممتع جداً رغم إنه كان مليان خناقات تحياتي يا حلوين ،،،،

طعم النجاح

2009-03-06T00:51:00.014+02:00

إحساس جديد حسيته وطعمه حلو جداً جداً كنت هموت وأحسه اللي حصل إني زي ما إنتوا عارفين مستنية النتيجة علي نار من يوم الثلاثاء وكنت خلاص علي أخري من الموضوع ده وكمان كانت حالتي النفسية زي الزفت المهم هما كانوا بينزلوا النتيجة الساعه 9:30م علي الموقع إنها تنزل علي حظي الإسود وبعيد عنكوا أنا من مرضي الضغط الواطي معرفش إزاي علي وقاعده بقي هموت المهم اتصلوا بيا كل صحابي وهما كمان علي نار وكنت بكلم زيزو صديقي اللدود من حوالي الساعه 9:45م وكل خمس دقايق أدخل أشوفها ظهرت ولا لأ المهم ،،، الخبر العاجل ====>>
إنه في تمام الساعه الـ 10:10م قمت أنا كان زيزو بيقولي عاوز رقم جلوسه عشان زهق من وشي الفقري ودخلت كنت حطيت طبعاً رقمي أول حاجه ودخلته وال ايه النتيجة ظهرت قلبي وقف ومقدرتش أبص علي الأرقام (وده طبعاً في أقل من الثانية) شُفتها وكلاكيت تاني مرة يا مااااااااااااااااااااااااااااااامااااااااااااااااااااااااااااااا أنا نجحت وجبت نتيجة زيزو هو كمان نجح وأغلب صحابنا نجحوا واللي مش نجح معلش يبقي يعوض بس بجديه شوية لأن أنا مجربة طعم الفشل برضه وربنا مع الجميع

الست دي أمي بقي فضلت تحضني وكانت هتموت من الخضه حبيت بقي أفرحكم معايا لأنكم كمان من الناس اللي بحبهم جدا بس عاوزة أقولك إني مش قادره أكتب ،،،،،

دي بقي باقة ورد لصحابي اللي نجحوا وأنا كمان ولكل المدونين وسمعوني أغنية الناجح يرفع إيده بقي

العقل والروح بين العشاق

2009-03-03T14:22:00.005+02:00

هو : أنتي عقلي

هي : وأنت روحي

هو : ولماذا روحك؟

هي : عندما يموت الإنسان يتحلل العقل ولكن تظل الروح خالده فأنت روحي

بقلم : مريوم

**************************************

إدعولي كلكم النتيجة بتاعتي هتظهر بعد بكره

رساله حلوة جداً

2009-02-05T00:34:00.003+02:00

استلمت رسالة بالإيميل عنوانها كما يلي (دولة عربية) فحواها كما يلي :-

عندما تمتلئ (المقاهي) بالشباب ... وتشكوا المساجد والمكتبات من
الغياب..
ابتسم ...أنت في دولة عربية

*******************
عندما يستضيفون (راقصة) لتتحدث عن (تحرير) فلسطين ...
ابتسم ...أنت في دولة عربية

*******************
عندما تدرس الابتدائي 6 سنوات .. والإعدادي 3 سنوات ومثلها المرحلة الثانوية .. وأربع سنين في الجامعة أو خمسة .. لتعمل بعدها في سوق الخضار ..
ابتسم ...أنت في دولة عربية

*******************
عندما يكون هناك ستة ملايين (عامل) أجنبي .. وثلاثة ملايين (عاطل).

ابتسم ...أنت في دولة عربية

*******************

عندما تقوم من النوم لتجد في هاتفك المحمول رسائل ليس لها أي معنى ...
ابتسم ...أنت في دولة عربية
*******************

عندما تكون هناك (خمسة عشرة) مجلة تهتم بـ (الشعر الشعبي)ولاتكون هناك مجلة واحدة أو (نشرة) تهتم بالأمور العلمية ...
ابتسم ...أنت في دولة عربية

*******************
عندما تذهب إلى تلك المنطقة في بلدك .. فلا تجد منهم من يتحدث العربية وتظن أنك تعديت الحدود حتى وصلت إلى (دكا)...لا تستغرب ... أنت في أسواق إحدى دول الخليج حيث كل البائعين أجانب

ابتسم ...أنت في دولة عربية

*******************

عندما (تضحك)عليك شركة الاتصالات في بلدك و(تشفط) كل اللي في جيوبك ..
ابتسم ...أنت في دولة عربية

*******************

عندما تقود(سيارتك الأمريكية) وتأكل (الهمبورجر) وتشرب(البيبسى) ثم تطالب بمقاطعة المنتجات الأمريكية ...

ابتسم ...أنت في دولة عربية

*******************

أن لا تحصل على الترقية في عملك إلا (بواسطة) ولا تجيب تقدير في الجامعة إلا (بواسطة) ولا تجد الوظيفة إلا (بواسطة) ولا تنتقل إلا

(بواسطة) ولا تحصل على (حقوقك إلا بواسطة ).

ابتسم ...أنت في دولة عربية
*******************
عندما تدخل المنتديات و تتحدث مع (رجل يستعمل الإنترنت باسم (بنت) (ابتسم) ...أنت في دولة عربية
عندما تصل إلى هذا السطر ولا زلت مستمراً في القراءة فاعرف انك فاضي

*******************
و ابتسم ...لأنك عايش في دولة عربية

إحساس بعدم الأمان في بلد إنعدم فيها الأمن والأمان

2009-01-31T09:25:00.004+02:00

حاجات كتير عاوزة اتكلم فيها بس مش عارفه ابتدي منين الموضوع ببساطة إني هتلكم عن حاجتين مهمين :-

المعاكسات

العملات المعدنية

أولا : المعاكسات

كل يوم بخرج ده شئ عادي بس اللي مش عادي ان خلاص مبقاش في أمان لما اجي ماشية وواحده يتكلم بأقذر المعاني هرد عليه هقوله ايه هخاف طبعا كمان فرضا طلع شارب اي حاجه تبقي وقعتي سودا اجي ماشية تاني بتوع العربيات يتكلموا كلام بردوا غبي ده مش ليا لوحدي ده اكيد لناس تانية هقولكوا حاجه فاكرين زمان ايام الزمن الجميل لما كانوا بيلبسوا ميني جيب وماشاء الله كانوا حلوين وقمر مكناش بيحكولنا عن حوادث الاغتصاب ولا الكلام الفارغ ده كان فلان بيخاف علي فلانة ميعرفهاش كانها من بقية عيلته زي ما بنقول الموضوع ده بجد بقي يخليني افكر بطريقة يعني كمان فترة سنة ولا اتنين ولا تلاتة هيعملوا اي ربنا يستر.

ثانياً : العملات المعدنية

ويقصد بها الجنيهات وفئة الخمسون قرش

اركب الميكروباص وانا رايحة الجامعه اديله الفلوس يقولىىىىى :

لالالالالالالالالالالالا الناس مش بترضي تاخدها طيب ياسيدي انا اخدتها ليه علي راسي ريشه ولا علي راسي ريشة ده السواق او السايس لكن لما تبقي الناس بجد حاجه تجيب هلع الفلوس دي عملوها عشان نصرفها مش ده يتأمر وده يتأمر انا اعرف صديق بيحوشهم تقريبا محوش منهم حوالي 50 جنيه هنياله لو انا بعمل زيه كان زماني بقيت مليونيرة

وفي الأخر ربنا يهدي الجميع

وعاوزة اقول للمرة التانية وعشان محدش يزهق انا كل بوست هنزله هقول فيه اني زعلانه من بقلظ رصيف نمرة 5 واقولها اللي علي علي يلا لا تؤاخذونا

2009-01-25T20:04:00.005+02:00

ازيكوا عاملين ايه يا كل المدونين؟؟؟ وحشتوني جدا جدا جدا المهم كنت عاوزة اقول ان انا زعلانه من بقلظ رصيف نمرة خمسة جدا جدا عشان خاطر مش عارفه ادخل مدونتها وكمان هيا عارفه اني بحب ادخل المدونة بتاعتها جدا وكمان الفترة اللي فاتت كانت مملة جدا الامتحانات والجامعة والقرف كله واحداث غريبة كلها يعني مش عارفه مش مرتبطة ببعضها خالص خالص وإن شاء الله ارجع تاني أدخل المدونة من أول وجديد،،،،،

الشعب العراقي يودع بوش بالجزمة

2008-12-15T12:38:00.003+02:00

كل سنة وانتوا طيبين

2008-12-02T05:39:00.000+02:00

لا تعليق

2008-09-23T00:19:00.005+02:00

أولاً أنا حبيت أعتذر عن تأخيري كنت حبيت أخد أجازة طويلة شوية بس حسيت إني في موضوع ضايقني كتير وثانياً بحب أقول لكل الطلبة والطالبات كل سنة وإنتوا طيبين وعام دراسي سعيد عليكوا

ندخل بالمهم نزلت الجامعه وكان المفروض عندنا محاضرة محاسبة وكالعاده الدكتورة لازم تنزل بعد العيد (مع إن أنا حضرت محاضرة إمبارح) وقعدت أستني إنها تيجي مجتش فالشباب قالوا بنعمل مسابقة وعملوها وكانت حلوة كتير وبعدين الوقت لما أخر جابوا تمر وبيوزعوه علي كل اللي في المدرج وكله أخد بدأ الملل يتسرب لينا كلنا وأنا كالعاده بحب أشوف تصرفات كل الناس اللي حوليا لقيتد بنت قعدت مكان الدكتورة ولابسه تحجيبة يعني مسلمة وبتاكل قدام أكتر من 200 ولد وبنت الموقف ضايقني كتير وحاجه تانية أنا مش قصدي إني أجرح أي حد يكون مسيحي بس لما الشباب عملوا مسابقة بعد لما خلصوا قال الولد كلنا نقف ندعي عشان دي أخر عشر أيام في رمضان وإحنا بندعي تخيلوا بنتين مسيحيات قاعدين بأول بنش وهاتك ياضحك علينا

وكل سنة وإنتوا طيبين مع إني عارفه إنه بوست وحش

2008-09-14T13:37:00.006+02:00

إذا قصر العبد في العمل ابتلاه الله تعالي بالهموم.
غبار العمل خير من زعفران العطلة.
إنك لا تجني من الشوك العنب.
إنما يختبر ذو الامانة عند الاخذ والعطاء.
الكيــــس من دان نفســــه وعمـــــل لما بعد المــــوت ، والعاجز من أتبع نفسه هواها وتمني علي الله الأماني.

كل سنة وإنتوا طيبين ومن الأسعار الغالية مجنونين

2008-08-20T19:10:00.007+03:00

طبعاً العنوان ده لو حد خده طبعاً عارفين حقوق التأليف والحاجات الأخيرة بقي بس أنا مسامحة مش مشكلة عشان إحنا في أيام مفترجة دي بقي صورة وهاسيب ليكوا التعليق وحاجة اخيرة

كل سنة وكل المدونين طيبين ويارب يعود عليكوا الأيام بخير

وده بقي للمدخنين

2008-08-17T13:29:00.002+03:00

My computer is still under Construction

إعتذار

2008-08-12T11:39:00.002+03:00

أعتذر عن نزول أي بوست لحين إنتهاء صيانة الجهاز مرة أخري

المشكلة بقي إن استاذ طارق اللي بيعمله الصيانه بيقول : ( ياهجيبهولك متصلح يا هجيبهولك فلاشه :( )

رحيل الشاعر العربي محمود درويش

2008-08-10T11:11:00.004+03:00

وطنى ليس حقيبه

وأنا لست مسافر

وقال :

ما أكبر الفكرة

ما أصغر الدولة

------------

رحم الله محمود درويش وسنبقى مغروسين في الأرض وتبقي الفكرة أكبر وأكبر من كل إدعائاتهم

تاج تاج تاج تاج

2008-08-05T14:38:00.009+03:00

التاج أحب أشكر (نور الحياة) إنه أهدالي تاج بسيط أووووووووووووووي ربنا ينجحه في حياته
نبدأ بقي ،،،،،
بدأت تدون من امتي ؟ و دخلت العالم ده ازاي ؟
بدأت التدوين من يناير 2008 ، أما عرفته إزاي كنت في الشغل وقاعده لقيت بنت زميلتي (فتونة) عماله تكتب رحت أشوف إيه اللي كل يوم بياخدها من شغلها لقيتها بتقولي دي المدونة بتاعتي عجبتني كتابتها ونظراً إن أنا كنت بكتب حاجات في الورق ودايماً يضيع عجبتني أووووي الفكرة وتوكلت علي الله وعملتها أول ماخلصت الإمتحانات بس كفايه كده

ايه كان انطباعك في البداية ؟
كنت الأول فرحانه أووووي ومازلت لأني بعتبر إنها عالمي الخاص

مين أكتر واحد بتهتم بتعليقه علي بوستك الجديد ؟
طبعاً أول واحد بهتم بيه هو مش مدون ومش بيعلق كتير علي المدونة هو بودي بس أهم واحد باخد رأيه في كل اللي انا بكتبه بس هو برضه بيقولي كل واحد ليه أرائه الخاصه وانا بحترم كل ده فيه وتاني واحد دخل مدونتي هو اللي أهداني التاج فبهتم طبعاً برده وكذا مرة أفوجئ إنه بيكتب نفس الحاجات اللي بفكر أكتبها وكذا مدونة تانية بلاقيها كده المهم نكمل بقي طبعاً كمان البنوتة بقلظ ورصيفها نمرة 5 وعروسة ننوسة والقلب الاوريجينال خالص وكل التعليقات مهمة أوووي بالنسبة للمدونة وكل الناس اللي بتعلق في المدونة بتاعتي بحبهم جداً وتعليقهم خلاهم جزء من العالم بتاعي

ايه أهم حاجة اتعلمتها من عالم التدوين ؟
إن كل عصبيتي بطلعها في كل كتاباتي في والمدونة وبعبر عن ذاتي بصدق وأني بخاطب كل الناس بمحبة

ايه أكتر حاجة كرهتها ؟
في مدونات تخلي الواحد ضغطه يعلي وهو قاعد وإنك ممكن يجيلك تعليق مستفز في غير سياق الموضوع أو في سياق الموضوع مش هاتفرق كتير بس المهم إنه بيخليني بجد مش طايقه نفسي

حاسس ان التدوين له تأثير ؟
جملة بسيطة (ولا حياة لمن تنادي) بالنسبة للناس اللي بره ولكن بين المدونين أعتقد إنه بيقرب وجهات النظر

تهدي التاج لمين؟
العروسة الننوسه
Original heart
اما بالنسبة لبقلظ التاج صدعها عشان مبقاش ممله

عملت مع المرض عقد لمدة شهر والله اعلم الباقي

2008-08-02T13:12:00.005+03:00

السلام عليكم ورحمة الله وبركاته

نبدأ علي طول بقي عاوزة اقولكوا إن انا حزينة حزينة حزينة مش عشان خاطر كنت علي وشك الموت ولا حاجه ولا عشان خاطر كان عندي حمي وراحت الحمد لله اللي مخليني بقي حزينة حزينة تخيلوا واحده عندها 20 سنه يجيلها الجدري يالهووووووووى انا شفت ايام ما يعلم بيها إلا ربنا في الكام يوم بتاع المرض ده وبداية المرض كان الآتي :-

حماة اختي كانت عماله تقول لسلفه اختي متدوديش بنتك الحضانه عشان امراض الصيف والتانية طبعاً عشان خاطر بتعمل اي حاجه عكس اللي تقول عليها حماتها ودتها قلنا مش مشكله

البنت بقي المسكينة اللي في النص ما بين امها وستها جالها الجدري وابتدينا الحكاية

حماة اختي قالت لمرات ابنها متقعديش بنتك مع ولاد اختي ليه وليه هيا عندها جرب ولا إيه وزعلت وفي يوم من الايام جوز اختي واقف في الشارع سمع ابنه في البلكونة مع البنت يالهـــــــوي يا جدعان زعق لاختي وحماة اختي زعقت لأم البنت والحمد لله سيف جاله الجدري

رحنا طبعاً عشان خاطر نشوف سيوفه العسل كان يا حبت عيني مبهدل خالص وعلي اللي كانت اختي بتحكيه مش بينام بالليل وبيلف في السرير 360درجه

المهم جه جوز اختي قالي انتي عندك كام سنة قلتله كبيرة وخلاص قالي بس كام قلتله 20 قالي يعني ممكن تتعدي قلتله لا طبعا انا كبيرة المهم يا جماعه وفي يوم من الايام صحيت لقيت في وشي حبايه قلت يا بت يا مريوم مش مشكله تلاقيها حاله نفسيه لحسن حالتي غم الكام شهر اللي فاتوا دول وتاني يوم الاقي الحبة بتكبر تكبر ولقيت واحده تاني ورا ودني

يا مااااااااااااااااااااااااااااااااااااااااااااااااااامااااااااااااااا انا عندي الجدري

ماما بقي بسزاجتها لا يا بت متقوليش كده بعد الشر وكأني الحبوب مستنية إني بس اديها إشارة للإنتشار

إنتشروووووووووووووووووووووووووووووووووووووووووووا

يوم والتاني وحسيت بقي بدبابيس واعيط وقلبي كأن حد بيجري وراه ورحت بقي للدكتور قالي وانتي بقي عندك الدور بتاع البرد ده من امتي ماما قالتله بقالها 20 يوم (الراجل في عقل باله ولسه فاكرة تيجي)طيب وهيا بنتك لسانها وكلاه القطه (انا في سري لأ ظريف مش نقصاك إنجز) قلتله ع العموم انا مش جايه عشان كده انا عندي الجدري (الراجل يا سلام خريجة طب حضرتك وشخصتي الحاله ياريتها فضلت ساكته) المهم جينا نكشف بقي استعنا ع الشقي بالله وبيكشف وملامحه مش طبيعية تؤتؤتؤتؤتؤ انا مش بحب كده في الأخر قال لماما بصي يا مدام متقلقيش هو بس عشان الجدري (مش انا قلت كده م الاول) فضربات قلبها سريعه حبتين تلاته ومتقلقيش يعني هيعدي كله هيعدي بقيت استني الايام بجد عشان تجري ومش بتجري وكتبلي ع 8 حقن انا اللي بكره الحقن كره العمي اخد 8 واحده الصبح وواحده بالليل وكتبنا علي باب شقتنا ممنوع إصطحاب من هم أقل من سن العشرين وبقيت أنزل أخد الحقنه الناس تفضل تبصلي يعيني عليا ومكنتش بنام والدبابيس كأنها بتكتر والبت زئردة صحبتي في الشغل مامتها قالتلها مينفعش تزوريها عشان متعديش انا كنت قلتلها كده بس الحمد لله أحب أطمن نفسي علي حالتي أنا الحمد لله دلوقتي أحسن وفي مرحلة العدوي وأنا برحب بالجميع اللي عايز يزورني مفيش مانع

الملخص :

بجد الإنسان مش بيعرف قيمة النعمه اللي ربنا كتبهالنا غير لما بيعيا بجد الحمد لله إن ربنا كمل شفائي ع خير رغم إن انا عارفه إن شكلي مش هايرجع زي الأول بس الحمد لله 1000000000000000000 مرة ع اللي انا كنت فيه ويارب يارب يارب ماحد أبداً يشوف اللي أنا شفته تحياتي للجميع

مصره علي الغباء أنا

2008-07-18T01:43:00.002+03:00

ال إيه عاوزة أنزل أغنية زي بقية المدونات بس علي مين الغباء خد حده معايا الليلة دي وفضلت ساعتين من ساعة ما رجعت من الشغل لحد دلوقتي لأ ساعتين إيه ده الساعه دلوقتي داخله علي 2 وانا جيت الساعه 10 وبرضــــــــــــــــــــه مش عارفه الله يجازي اللي كان السبب قطعت الأغاني بدل منا جاية من الشغل تعبانه مش أقوم أتخمد لأ إزاي ماعلينا ،،،،،،،،،،،،،، خلصنا من الموضوع ده

*********

قررت أنا مريوم إني أعمل مدونة جديده بالإضافة لدي هاكتب فيها يومياتي بس لسه مقررتش إسمها هايكون إيه بفكر في كام إسم كده بس هايجيي لوحده هيا مبدائياً هاتبقي اغلب الكلام فيها عن الشغل عشان خاطر أطول وقت بقعد في الشغل

2008-07-14T04:08:00.003+03:00

علمتني الحياة أن أبكي فالبكــــاء هو الراحه ،،،

مقتبس

2008-07-14T04:01:00.002+03:00

لماذا نلجأ إلي الكتابة ؟

لماذا تعصف بنا الحياة هكذا ؟

لماذا يوجد الخوف ؟

لماذا يوجد الكبر ؟

لماذا توجد التكنولوجيا ؟

ولماذا أحبك ؟؟؟؟

2008-07-13T22:28:00.003+03:00

حتي يطول بي الليل

حتي يطول بي العمر

حتي يطول بي الحزن

حتي يطول بي الهم

حتي يطول بي الفرح

حتي يطول بي الدمع

حتي لو لم تطل بي الحياة سأظل أحـبك أنت لـــيس أحــــد ســواك

أنت حزني وهمي وفرحي ودمعي ونوري ودنياي وحياتي ومماتي

أنت الحب

2008-07-09T12:45:00.002+03:00

قال أبو ذر الغفاري رضي الله عنه :

( إني لأعجب لإنسان ينام بلا خبز كيف لا يخرج على الناس شاهراً سيفه ).

انا مستاءة جداً

2008-06-23T13:17:00.003+03:00

الأجازة جت والكمبيوتر تحت الصيانه والواحد مش عارف يعمل ايه؟؟؟؟؟؟؟؟؟؟؟؟؟؟

يا فرحة ما تمت

ده الخبر الوحش يا ايمي

ممنوع الكتابه أو حتي التفكير فيها طول فترة الإمتحانات

2008-05-05T06:41:00.001+03:00

إمتحانات

إمتحانات إمتحانات إمتحانات إمتحانات إمتحانات

إمتحانات إمتحانات إمتحانات إمتحانات إمتحانات إمتحانات إمتحانات إمتحانات

إمتحانات إمتحانات إمتحانات إمتحانات إمتحانات إمتحانات إمتحانات إمتحانات إمتحانات إمتحانات إمتحانات إمتحانات إمتحانات

مقتطفات

2008-04-17T12:17:00.004+02:00

عجائب المصريين في شوارع القاهره

بينما كنت ألقي نظره سريعه علي النت كالمعتاد (الأيام دي مش بحبها أيام الامتحانات يارب وفقني إدعولي كلكوا) إستغربت من هذا الموضوع الذي شد إنتباهي وهو عجائب المصريين في الشوراع

أترككم مع الصور ولم أكن أريد نشر كل الصور ليس لأنها لم تنال إعجابي ولكن ليست مصر الوحيده التي بهــــــا عجائب كل بلد بها عجائب

قروب نواف التي دائماً تنشر ما تسميه بفضائح المصريين كنت من أشد المعجبين بهذا الجروب ولكنني كلما أتصفح هذا المنتدي يشتد غيظي أكثر

******************

بلا عنوان

في هذه الأونة الأخيرة تنتابني رغبة في عدم الكتابة حيث أنني لا أعرف عن ماذا أكتب ؟ وما هو الشئ الذي يستحق أن أكتب له ومن هم الذين يكترثون بكتابي،،،،،،،،،،،،،،،،،

******************

صحيح البخاري

2008-04-03T00:46:00.002+02:00

عن البراء بن عازب قال قال النبي صلى الله عليه وسلم إذا أتيت مضجعك فتوضأ وضوءك للصلاة ثم اضطجع على شقك الأيمن ثم قل اللهم أسلمت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا إليك اللهم آمنت بكتابك الذي أنزلت وبنبيك الذي أرسلت فإن مت من ليلتك فأنت على الفطرة واجعلهن آخر ما تتكلم به قال فرددتها على النبي صلى الله عليه وسلم فلما بلغت اللهم آمنت بكتابك الذي أنزلت قلت ورسولك قال لا ونبيك الذي أرسلت

مقابله عجيبة مع صاحبة القصة القصيرة (عجوز 357)

2008-03-29T11:13:00.003+02:00

أتذكرون السيده العجوز التي قابلتها مصادفةً في الحافلة رقم 357 وحدثتكم عنها، كنت عند خالتي في مصر الجديدة وقررنا أنا وأسرتي أن نعود أدراجنا وذهبنا إلي الموقف الخاص بالحافلة وصعدنا لمحتها ولكنني لم أدقق النظر إليها وجلسنا في مؤخرة الحافلة قرابة الساعتين ونتيجة الملل قبل أن نصل إلي محطتنا كنت أنتقل من مقعد إلي أخر حتي وصلت للمقاعد الأمامية وكنت أحمل إبن أختي وإذا فجاة بسيدة تداعب خديه فنظرت لها وفجأة إنتابتني حاله من الإستغراب والفرحه الشديده

فقلت لها: لقد كتبت عنك ، كنت أريد أن أحتضنها ولكن شاء القدر بإن أتحدث لها ثواني معدودة ثم أتركها مرة أخري وأرحل حزنت لأنني حتي لم يسعفني الوقت كي أطلب منها رقم هاتفها

كانت تعــلم والدتي إنني كتبت عنها وكانت جميع إسرتي في حاله ذهول تام ،،،،،

وهذه هي الحياة مجرد حافلة يركبها الأشخاص وكلٌ يذهب في محطته.

صحيح البخاري

2008-03-27T21:08:00.001+02:00

عن عباس بن سهل بن سعد قال سمعت ابن الزبير على المنبر بمكة في خطبته يقول يا أيها الناس إن النبي صلى الله عليه وسلم كان يقول لو أن ابن آدم أعطي واديا ملئا من ذهب أحب إليه ثانيا ولو أعطي ثانيا أحب إليه ثالثا ولا يسد جوف ابن آدم إلا التراب ويتوب الله على من تاب

نشاط واسع لمواجهة قانون الإرهاب

2008-03-23T20:02:00.002+02:00

اللجنة القومية للدفاع عن سجناء الرأي قررت إقامة ثلاث ندوات لشرح الخطر الجسيم الذي يهدد مصر من قانون مكافحة الإرهاب الذي اعده الحكومة سراً ، ويقوم علي إرهاب كل صاحب رأي في مصر ، وينسف المكاسب القليله التي تحقق في مجال الحريات العامة ، يشرف علي هذه الندوات الناشط السياسي أحمد بهاء شعبان ، وقد قررت اللجنة كذلك الدعوة إلي تظاهر سلمية أمام مجلس الشعب عن مناقشة مشروع القانون المشبوه.

مقتبس من جريدة (حرية >==>> صوت المجتمع المدني من أجل الديموقراطية)
عدد مارس 2008

من المحيط إلي الخليج (فيلم عن سجن النساء في بغداد)

2008-03-23T19:49:00.002+02:00

بعد الضجة التي أثارتها الصور الشهيرة ، التي كشفت ممارسات بعض الجنود الأمريكيين في سجن أبو غريب في العراق عام 2004، والتعذيب المهين الذي تعرض إليه بعض السجناء العراقيين، أصبح موضوع السجون العراقية، أحد المقاييس التي تدل علي إتجاه العراق الجديد إلي زمن مختلف عن ماضيه، أو لتكرس الصورة الشرق أوسطية، عن سجون معتمه، وسجناء مغيبين، بلا أدني حقوق غالباً. من هنا جاء الإهتمام الإعلامي بفيلم "يوم في سجن الكاظمية للنساء" الذي عرض في مهرجان روتردام الدولي، وهو الفيلم العراقي الأول، الذي يتعرض لتجربة السجن والسجناء في العراق الجديد. صانعو العمل (المخرج عدي صلاح والمنتج غيث سلمان) إستفادوا من القرارات الحكومية والعراقية التي صدرت بعد حوادث سجن أبو غريب، والتي تسمح للصحفيين العراقيين وغيرهم، من دخول السجون العراقية وتصويرها، لفترة لا تزيد علي 21 يوماً.

الفيلم يقدم مقابلات كثيرة مع سجينات إختار بعضهن إظهار وجوهن فيما فضل البعض إخفاء الهوية الشخصية،،،،

مقتبس من جريدة (حرية >==>> صوت المجتمع المدني من أجل الديموقراطية)

عدد مارس 2008

5 فرفشه

2008-03-23T19:06:00.000+02:00

واحد مخنوق من الدنيا كلها رن جرس الباب الساعة 10 صباحا فتح الباب لقى وحدة مذيعة بتقله ممكن نعرف بتعمل ايه لما تقوم من النوم قال انا بقوم من ام النوم اروح ام الحمام افتح ام الحنفية اغسل ام وشى اروح ام الغرفة اقلع ام الترنج البس ام البنطلون انزل من ام الشقة اركب ام الاتوبيس انزل من ام الاتوبيس اروح ام الشغل وبعد ما اخلص ام الشغل ارجع ام البيت وخلاص فقالت المزيعة شكرا يا فندم ويحرق ام البرنامج اللى خلانا نشوف ام وشك

لو تزوجت فتاة و إكتشفت إنها ليست عذراء ماذا ستفعل ؟

2008-03-20T14:45:00.002+02:00

أعتقد بأن الموضوع يظهر من عنوانه ، تخيل إنه يوم زفافك ؛ اليوم الذي لطالما حلم به كل رجل وإمرأه هو يوم الزفاف ولكن في أول ساعات بعش الزوجيه وتكتشف بأن الفتاة التي تزوجتها ليست عذراء ماذا سوف تفعل ؟

ولكنني أردت أن أسرد المواضيع التي تجعل الفتاة ليست عذراء ويجب عليك أيها الرجل أن ترد علي كل نقطه من النقاط التالية:-

أولا : حالات الإغتصاب وأنا في رأيي الشخصي أعتقد بإنهم حالتين:-

حالات الإغتصاب المعروفه والمتدواله بالمجتمع وبالصحف والجرائد

إذا ما يوم أحببت فتاة شخص ما ولكنه لم يكن يريدها إلا للإيقاع بها ثم فعل فعلته الشنيعه وتركها،،،،،،،

ثانياً : الظروف القهرية التي تحدث لأي فتاة وترغمها علي ذلك :-

فرضاً بأن فتاة ما نشأت في مجتمع مثل مجتمعنا هذا كل ما يخص الرجل فيه هو الجنس فقط لا المشاعر ولا أي شئ أخر ولكنها مثل أي فتاة تحلم بالزواج وترغب أن يكون لديها زوج وبيت وأبناء وعلي إستعداد أن تتخلي عن أي شئ كي تتزوج وتقول لك إنها لن تفعل تلك الأشياء مرة أخري ،،،،،،

ثالثاً : ممارسة الجنس حباً به

تزوجت إمرأه وإكتشفت إنها ليست عذراء وقالت لك إنها تمارس ذلك حباً بالجنس ولم تكن أول أو ثاني أو الرجل المليون بحياتها ماذا تفعل ؟؟؟؟؟

وأخيراً وليس أخراً : أسألتي الخاصه :-

عليك أيها الرجل أن تضع أجوبتك لكل هذه الحالات التي تراها .

لماذا يتحتم علي الرجل فعل ما يريده قبل وبعد الزواج ويري أن ممارسة الجنس مع الفتاة التي يشتهيها شئ عادي ( أتمني أن لا يرد علي أحد ويقول لأنه راجل والراجل راجل ) وإذا فعلت الفتاة مع الرجل الذي تحبه ذلك ؛ فكيف تحكم علي الإثنين؟؟؟؟

مسافر علي البلد الغريب

2008-03-17T12:38:00.004+02:00

سافرت في يوم الأحد الموافق 16/3/2008م إلي بلد المنصورة وزهلت عندما رأيت هذه البلد الجميله النظيفه فعلاً ، كنت قد قال لي أحد الأشخاص المقريبن لي إنها بلده ليست جيده ولكن لا تسمع كل ما يقال إليك تمنيت لوهله أن أسكن بها وحدث موقف أهلكني من الضحك بينما كنا نأخذ تاكسي لمركز الكلي والمسالك البولية أستوقفنا سيارة فقلنا للسائق" مستشفي غنيم " ، قال لنا :" سو أخذ 4 جنيهات " فضحكت وظل يتحدث السائق علي الدكتور العظيم المتواضع / محمد غنيم إنه عندما يخطئ أحد من موظفيه أو الدكاترههم سوف يتعامل مع معهوالحسمم بالحزم !!!!

وصلنا المستشفي وجدنا القائمين بالنظافه يعملون علي تنظيف الحوائط الخارجيه للمبني وعندما دخلنا وجدناها في قمه النظافه صعدنا الدور الأول ومن ثم ركبنا المصعد للدور الثالث وجدنا الدكتور غنيم يجلس مع مريض مصري وزوجته الأمريكيه ويتحدث معهم دون أن ينتعل حذاء فإستغربت ظل يتحدث معهم قرابة النصف ساعه ثم جاء وتحدث معنا وبعد ساعتين تقريباً بعد إنجاز المهام قررنا الرجوع إلي مصر بلد التلوث والضوضاء والتاكسي ( أبو خمسه جنيه لو خته من ش الهرم للشارع المطبعه ياخد خمسه جنيه حسبي الله ونعم الوكيل )وأخذنا تاكسي أخر وأجمع أيضاً علي رأي سائق التاكسي الأول بأن الدكتور غنيم (يتصرف معهم بحزم) تمنيت لو كانت لي إحدي الشقق في المنصورة حتي ولو كانت صغيره ،،،،،،

لم أحس بباقي اليوم من كثرة الإرهاق أو بمعني أخر أتذكره جيداً ولكني لا أرغب في كتابته ، لم أذق طعم النوم ذهبت إلي منزلنا ولم أكن قادره علي تغيير ملابس فنمت وإستيقظت وجدت نفسي قد نمت 14 ساعه.

للتدوين فقط ليس أكثر

علي غرار جريدة النهارده أجازة التابعه لجريدة

2008-03-10T23:12:00.006+02:00

جيل بيحب قلة الأدب

عادةً أردد كلمة لا أعرف ولكنني لا أعرف ماذا أقول هذه المرة ==>> هذا هو عنوان بجريدة النهارده أجازة لطالما أردنا أن نتجه بنظرنا إلي دول أوروبا وأمريكا وإليكم التفاصيل :-

" وجدت دراسة إجريت مؤخراً أن المراهقين الأمريكين يستخدمون مفردات بذيئة ويلجأون إلي السباب والشتائم أكثر من أي وقت مضي.

ولا الباحث الإجتماعي والمتخصص في موضوع الإنحرافات السلوكية عند المراهقين فلان الفلاني أن الجيل الجديد يتستخدم السباب والشتائم أكثر من الجيل السابق وبشكل غير مسبوق ده المخلص ،،،،،،،

نتكلم في الجد حالياً لو أخذنا في الإعتبار أن جريدة الأخبار تنشر هذا الخبر من نقطتين :

أولاً : من أجل (الشماته) عليهم بالذهاب إلي المدارس الحكومية في أي منطقه ما ولينظروا ماذا يقول أطفال لم تتعدي أعمارهم الخمس سنوات أو علي سبيل الحصر لا المثال (سواقين التوك توك الأطفال) .
ثانياً : لو فرضنا إنها مجرد معلومة ساذجه (يبقي الأطفال اللي بتعشق الجريدة دي هاتشوف العنواين وبالتالي أي حاجه بتعملها أمريكا بتبقي مقدسه لازم تتعمل) ولا عزاء للقراء.

مش معني الكلام اللي أنا بقوله لازم كل الأطفال تعمله بس أنا مجرد بعبر عن رأيي فقط

روز

2008-03-10T22:14:00.002+02:00

إنها زهرة الحياة التي ملئت عليه حياته وأخذت قلبه وعقله إلي حيث لا يعلم ، ولكن الذي كان يعلمه تماماً إنه كان يحبها ويعشقها بجنون بل كلمة الحب لا تعني أمامها أي شئ.

تلك المجنونة التي لم أراها ولكنني أحببتها من تحدثه عليها وتمنيت لو كانت تعيش أو كنت ولدت حينها ، لكي أري هذه الشخصيه الخيالية التي ضحت بالكثير من أجله وكانت ترغب بشده في ترك كل ما لديها من أجل هذا الشخص.

أحببتها عندما قال لي :" إنها كانت تغمز له تلك الغمزة بعينيها الساحرتين التي كادت أن تجعل قلبه يتوقف كلما غمزت له تلك الغمزة".

تموت ولكن يبقي ذكراها بداخل فؤادك ورائحة جسدها بوجدانك ولكنها أيضاً لم ترحل عن كيانك ، بكيت عليها كثيراً ولا أعرف لو كنت رأيتها لكان توقف قلبي عندما سمعت خبر رحيلها ولكن ماذا عنه !!

أيتها الشجاعه التي لطالما سوف أتذكرك دائماً لسبب ما أرجوا أن أحوذ حذوك في هذه الحياة ولطالما قال عنك هذا الرجل الأساطير التي لم أتوقع أبداً أن أتخيلها.

بتاريخ 5/3/2008

نفس تلك الحالة التي تنتابني

2008-03-10T22:06:00.003+02:00

ماهي تلك اللحظات التي تتكرر معي ولكنني لا أقدر علي تحملها ولا أقدر أيضاَ علي تحمل مشقه هذه الحياة أدعوا من الله إن كانت حياتي خيراً لي أن يخفف عني هذا العذاب وأن يسامحني علي كل ما أقترفه ولكن يبقي أولاً وأخيراً إنني سئمت هذه الحياة.

مكتوب بتاريخ 9/3/2008م

جامعة القاهره

مقتطفات من جريدة

2008-03-10T21:45:00.004+02:00

- الحكومة المصرية تبدو مثل المسمار الذي يهوي المطرقة التي تدق رأسه !

- الحكومة المصرية لا يفيد معها الحوار ، ولكــن العصا قبـــــل الجـــــزرة !

كثير من العناوين التي يقشعر لها الأبدان وإلي أين نحن ذاهبون في هذه الحياة:-

أب يعذب طفلته بالزيت المغلي والحرق حتي الموت .. وإطفاء السجائر في جسدها
حبس أب وإبنه طالب الجامعة خطفا طفلة بالتحايل وتناوبا الإعتداء عليها

لا أعرف ما الذي يحدث حولنا لماذا يقترف الأباء دائماً هذه الأفعال مع أبنائهم وما الذي كان يدور في أذهانهم عندما يرتكبوا ذلك أحس دائماً بأن عقلي لا يقدر علي إستيعاب كثير من الأحداث التي تحدث من حولي أسئلة كثيرة لا أعرف أين إجاباتها ؟؟ والذنب ذنب من ؟؟؟

أوقات كثيرة أقول لنفسي لما لا أنشغل مثلما كنت أفعل سابقاً بأحوالي فقط ولكنني تعلمت في يوم من الأيام من لم ينشغل بمن حوله لا يمكن أن يكون إنسان .................

دعاء

2008-03-04T05:21:00.001+02:00

اللهم ارزقني حبك وحب من يحبك وحب عمل يقربني الى حبك

دعـــــــــــــاء

2008-03-03T18:20:00.000+02:00

اللهم فك قيد أسرى المسلميــــــن في كل مكان و دمر الكفار و الجبابرة و الطواغيت

مش عارفه مالي

2008-03-02T20:40:00.000+02:00

النهارده مش عارفه كده مالي عندي إستعداد إني اعيط من أغنية مع إن أنا من النوع اللي مش بيحب يسمع الاغاني أصلا المهم حصل النهارده مظاهره في الجامعه الوقف الوحيد تقريباً اللي هزني أوووي لما الولد مسك العلم الإسرائيلي وحرقه كنت مش قادره كنت بتمني أكون مكانه وأي حد من زمايلي أكيد كان بيفكر في اللي أنا بفكر فيه

أخبار بايته

2008-02-10T08:18:00.000+02:00

نتدخل في الموضوع علي طول الظاهر كده والله أعلم إن جريدة الأخبار مش لاقيه حاجه تنشرها ليه يا جدعان؟؟؟؟

أقولكوا ليه أو للأسباب التالية نبتدي بجريده النهارده أجازة التابعه لأخبار اليوم بتاريخ 9/2/2008م بتقولك يا سيدي في الصفحة الأولي بشري للرجال الكعب العالي .... يعدل مزاج السيدات (ياسيدي ؟؟؟؟؟؟؟؟؟ رغم إن انا عمري ما هالبس كعب عالي :5 خلي جوزي المستقبلي الحبيب إن شاء الله يتفلق وبلاش أقول أكتر من كده ) اللي بعده وللسيدات بقي يا سيدي : إلدغي زوجك بالعنكبوت عشان إكتشفوا عنكبوت في البرازيل لدغته سرها باتع ( ولا عزاء للسيدات وربنا ما يوريكوا واللهم لا شماته ) بالنسبه للأخبار اللي أنا بقول عليها بايتـــــه طحن شفتها يا سيدي ويا سيدتي العزيزة في موقع الـــ BBC بعدها بكام يوم بينشرها موقع فوستا أما بقي الإمانه اللي بيعلموهالنا بتاعه حقوق النشر وإلـــىى أخره المفروض كانوا يكتبوا حتي منقوووووول زي ما بنعمل في المنتديات علي أساس الأمانه الفكريه

تحت رعاية أخبار اليوم مطلوب عريس لكـــــــــــارول سماحه :-

لتاني مرة بس مش علي التوالي في الصفحه التانية بعنوان النجوم .. ألوان بيقول كارول سماحه في إنتظار "إبن الحلال" ..! (والله وبقت جريدة الأخبار خاطبة )

بنفس التاريخ وبعد الهنا بسنه بيقولولك بريتني سبيرز في مستشفي المجانين بعد ما خرجت أول إمبارح ولتاني مرة ينشروا الخبر (ما شاء الله علي الجمال وحرية الصحافه بس والنبي هاتوا أخبار جديده شوية؟؟؟؟)

أنا بس بهتم بمواضيع الفنانين فقط الفترة دي لحد لما أخف بإذن الله وكمان كل سنة وإنتوا طيبين الأجازة خلصت وربنا يعيني علي الجامعه بقي

حان وقت هذه الحاله التي تنتابني من التوتر

2008-02-02T03:28:00.000+02:00

لا أعرف لماذا تأتي لي ولا أعرف هل كل مرة سوف تصيبني هذه الحالة من الكآبة سوف أكتب عن هذا الموضوع ولماذا تفعل أنت معي هذا وأنت تعلم إنك كل ما لدي في هذا العالم كان يجب عليك أن تفهمني جيداً ؟؟

أوتعلم إني أعرف بإنك إلي الأن منذ أن أحببتك وإنك غير قادر علي فهمي ولكن متي سوف تفهمني !! بعد أن أذوق كل معاني العذاب ولكن حبك ليس بعذاب ، نعم تأتي علي لحظات أدرك معني العذاب الحقيقي في حبك ولكنها تؤكد لي مدي إستطاعتي ورغبتي في أن أتذوق هذا العذاب مراراً وتكراراً وتأتي علي لحظات لا أقدر علي الإنتظار حتي تأتي الساعه التي أتحدث معك فيها وتأتي علي لحظه كما قلت لك من قبل أرغب بأن أكسر جمجتي حتي لا تفكر بك مرة أخري.

أريدك أن تعلم أنت السبب الآن في هذه الحاله التي لا أحب أدخل بها أبداُ وأيضاً لا تعرف ما فعلته من أجلك ولن تعرف أبداً ما حييت أريدك فقط أن تعلم وإني قلتها لك عدة مرات بإنني "حساسه جداً " وأحبك جداًُ أعرف إنك تحبني وأعرف ضغوطات الحياة عليك وأعرف ماتحسه تجاهي ولكن يجب أن تتحمنلي أكثر من ذلك ؟ أحبك أيها الحنون

حركة الانترنت تأثرت بقطع كابلات بحرية

2008-01-31T06:44:00.000+02:00

كان يوم أسود يوم ما دخل النت بيتنا أه كان يوم أسود حياتي كلها بقت نت نت نت نت

ودلوقتي علي حظي اللي الحمد لله بحمد ربنا عليه إنهم قطعوه وزغرطي ياللي منتيش غرمانه

لولولولولولولولولولىىىىىىى

وقال بيقولوا هايجبوه قريب يارب إرحمني

أكد الدكتور طارق كامل وزير الاتصالات وتكنولوجيا المعلومات بدء إعادة بعض خدمات الانترنت (ده فين ده ؟؟؟) جزئيا أمس من خلال إجراءات عاجلة تم اتخاذها، وأنه سيتم إصدار بيانات تباعا حول الاجراءات التي تتم وتطورات اصلاح العطل الذي وقع أمس إثر القطع في كابلات الاتصالات البحرية للألياف الضوئية في البحر المتوسط والذي أدي لانقطاع جزئي لخدمات الانترنت دوليا وبعض خدمات الاتصالات الدولية لمراكز خدمة العملاء

ويارب معاية ومعاكوا ويصبركوا قولوا آمين :(

؟؟؟

2008-01-31T04:38:00.000+02:00

إنه لعالم كبير ملئ بالأعين أغلبها تكون مرعبة تحوم حول الشر أ قد تكون هي الشر نفسه وأعين إخري يملؤها الحنيه والحب والحنان والحنين وتفيض بالالآم ...... وأخيراً أعين قد يملؤها الإستغراب والخوف واليقين بأنه لا وجود للخير في هذه الحياة وحتي إذا وجد يكون بعالم واحد هو عالمي !!!!!

لماذا أنت

2008-01-30T19:30:00.000+02:00

لماذا أنت الذي فتحت له قلبي ؟

لماذا أنت الذي شغلت به عقلي ؟

ولماذا أنت الذي لم ينبض قلبي إلا له ؟

عجوز 357

2008-01-30T19:07:00.000+02:00

شدتني تلك المرأه منذ و إن كنت واقفه في إنتظار هذه الحالفله الذي علمت إنها تجمع الأحباء وفي تلك اللحظه أتت السيده العجوز المتصابيه ترتدي زيها الأسود بنطال أسود وجاكيت فرو أسود وتحدد حاجبيها بالكحل الأسود جلست في الكرسي المفضل لي كنت من الوهله الأولي أعرف إنها سوف تجلس علي هذا الكرسي فشعرت لوهله إني أكن لها شعور سئ ثم صعدت وجلست في المقعد الثاني في الناحيه المجاورة لها وإذا بي أراها تلتفت لجميع الركاب وفجأة رأيتها تنظر إلي ثم نادت بصوتها العزب كي أجلس بجوارها وقد حدث أخذت أغراضي كي أجلس بجوارها فرأت دفتري الخاص بالمحاضرات
وقالت : هل أنتي طالبه ؟
قلت : نعم
قالت : أي صف
قلت : الثاني بكلية التجارة (ولم أحدد أي جامعه) ـ
فقالت : جامعة عين شمس
قلت : بلا ، جامعة القاهرة
قالت : جيد أدعوا الله أن يوفقك
وفجاة عرفت سبب منادتها لي وهو كالتالي
قالت : أن الجو بارد وفي نفس الوقت أرتدي "بلوفرين + بنطالين" ـ
وهذا البلطو الرائع الذي تفوح منه رائحه عطرة جداً لا تجدها أيها الرجل في أي فتاه تهتم أيضاً بنفسها في مثل سني رأيتها الجمال رأيتها الأناقه رأيتها العطوف وبينما نحن في إنتظار السائق حان موعد أذان العشاء ظلت تدعو لإبنها أن يخرج من المشفي ويتم علاجه علي خير وتدعوا للعاطلين عن العمل وتدعوا لأمة المسلمين ووجدت نفسي أقول لها إدعي لي كي أنجح هذا العام فدعت لي
وقالت : يارب يوفقك وينجحك يارب العالمين وأخرجت من شنطتها الأنيق جهاز راديو صغير وأدارت المحول علي إذاعه الأغاني وتركت ذهنها للذكريات ومن حين لأخر تدعوا لإبنها كثيراً وكنت أنا واضعه سماعه النقال بأذني
فسألتني : أهذا شاحن أم سماعه
قلت : سماعه فصمتت ( وفي بالي كيف لها أن تفكر أنه شاحن )ـ
وبعد عدة مواقف مرحه جداً لها كانت تدور بينها وبين السائق وعلي ما يبدو أنها تركب كثيراً معه قال لها : غيري هذه الإذاعه
قالت بنبرة صارمة : لا يوجد غير وكأنه أخرجها من ذكرياتها وكانت لا تتحدث لي كثيراً إلا بين اللحظه والأخري
قالت : معكي أصدقائك
قلت : بلا والدتي وأختي
قالت : واين كنتم ؟
قلت : عند خالتي
كنت علي مقربة من نزولي وتمنيت لو أقوم بتقبيل يدها البارده وتمنيت لو آخذ رقم هاتفها كي أطمئن عليها ولكن حان وقت الرحيل
وأردت أن أقول لها أيتها الفتاه الجميله التي جعلت قلبي يخفق من روحك لا تحزني لأن الدنيا أخذت منكي جمالك نعم هي أخذت منكي كل شئ ولكن لم تقدر علي أخذ روحك العالية أيتها العجوز المتصابيه
إن قلبي خفق لكي
أعلم أنني في يوم من الأيام سوف أكون مثلك ولكن لا أعلم هل ستكون روحي عاليه أم لا ؟!ـ
وأنت يا رقم الحـــظ 357 لي لقاء أخر معك